RSS

Bli hvis du kan. Reis hvis du må.


Helga Flatland: Bli hvis du kan. Reis hvis du må., 171 sider

Barndomsvenene Tarjej, Kristian og Trygve veks opp i ei trygg lita bygd, der alle veit kven alle er. Etter militæret bestemmer dei seg for å verve seg til dei norske styrkene i Afghanistan. Ingen av dei kjem heim. Attende sit familie og vener med tankane, spørsmåla, sorga. Ei smerte så stor at ho skapar avstandar og bryt band. Kvifor reiste dei? Kva med dei som venta heime?

Boka er delt inn i fire delar, fortald av Tarjej, Jon Olav, Karin og Trygve. To av dei som reiste, to av dei etterlatte. Denne forteljarteknikken fyller ut hola, og gjer historia heilskapleg og sterk. Flatland gir hovudpersonane ei særeige røyst med å la dei fortelje vekselvis på nynorsk og bokmål, noko eg trur eg aldri har vore borti før. Dialekt ja, men ikkje fullstendig skifte av målform. Eg likte dei nynorske delane best. Det er som om orda inneheld meir styrke. Opplevinga blir forsterka; sorga blir tyngre og gleda meir lykkeleg.

Dette er truleg den nye yndlingsboka mi. Ei bok som kan få meg til å kjenne mykje. Sakn, lengt, sorg. Eg har lest om menneske busatt i den same bygda. Ein trygg barndom som likevel lagar djupe sår. Det gir meg ei taus sorg eg ikkje veit korleis eg skal takle. Flatland lar meg komme så intens nært at eg veit med heile kroppen at dette er ei historie eg seint vil gløyme.

Bli hvis du kan. Reis hvis du må er ei nydeleg, sterk bok om å bryte ut av ein tryggleik som ikkje lenger kjennes trygg. Takk til du anonyme som tipsa meg om denne boka for nokre månader sidan.

Anbefalast verkeleg på det sterkaste!

9 kommentarer:

Akeleiedamen sa...

å, det er fint med bøker som får en til å kjenne mye...på en gang. Sterk beskrivelse av hvordan du opplever boka. må leses. takk.

Askeladden sa...

Eg elsker denne boken og det er ei favorittbok hos meg<3. Men synest den handler ikke så mye om Afghanistan som både forlaget og forlaget mener. Men allikevel er den helt fantastisk:).

Lena sa...

Ja, den er helt fantastisk. Gled deg, Akeleiedamen!

ellikken sa...

*løper og kjøper*

Rose-Marie sa...

Løper og kjøper, jeg også! ;-)

Janke sa...

Takk - har stått med den i hånden, men ikke kjøpt, senest for to dager siden. Den skal leses!

Lena sa...

Og det beste er at Cathrine Krøger mener oppfølgeren er enda bedre:)

Askeladden sa...

Er det den nye boka som er kommet ut? Jeg lurte veldig på om det var ei helt ny bok eller om de har redigert denne boka til en lettere utgave.

Askeladden sa...

Jeg fant ut at det var en oppfølger. Jeg hadde ikke hørt noe om det før. Plutselig såg jeg den nye boka i bokhandelen. Jeg synest den var veldig lik den andre i både tittel og baksidetekst. Jeg tenkte kanskje at de hadde gjort den litt "lettere" slik at den skulle falle inn under lettleste bøker. Har sett bl.a. at de har gjort det med Thorvald Steen si bok Vekten av snøkrystaller. Men var ikke helt sikkert. Så derfor holdte jeg nesten på å skrive et blogginnlegg eller opprette en diskusjon på bokelskere for å oppklare om det var en oppfølger eller ikke.