CeeCee Honeycutts reddende engler

Beth Hoffman: CeeCee Honeycutts reddende engler, 356 sider. Oversett av Hilde Sophie Plau

Hun smilte til fru Odell og sa: Vi får gjøre som Scarlett O'Hara, og ikke bekymre oss for morgendagen før den er her.

12 år gamle CeeCee Honeycutt har brukt mesteparten av livet sitt på å ta seg av si psykisk sjuke mor. Dermed tvingast ho til å vekse opp altfor tidleg, og får lita tid til å vere born. Den eldre nabokona, Mrs Odell er den einaste vennen ho har. Når mor hennar blir påkøyrd og døyr, kjem den ukjende grandtante Tootie og tek ho med heim til Savannah, Georgia. Her får CeeCee oppleve eit ny tilvere av varme og velstand, og får endeleg den omsorgen ho har lengta etter.

Det er umuleg ikkje å bli i godt humør av denne varme og gode historia. CeeCee får vekse opp i ei verd full av sterke og eksentriske kvinner, som gir mykje av seg sjølv og krev lite tilbake. Romanen fortel korleis vennskapet mellom kvinner kan vere, på godt og vondt, og viser at ein kan fange fleire fluge med honning enn med eddik. Desse kvinnene lærer CeeCee om livet, og har ein del festlege, nesten anekdotiske måtar å gjere det på. Eg lo fleire stader i boka, spesielt av den herlege nabodama, fru Goodpepper. Det seier seg sjølv at dette ikkje er storslagen litteratur, men det er ei nydeleg historie, og av og til er det akkurat det vi treng.

Hun gjorde en latterlig, feiende sorti, som om hun var på audition for en nyinnspilling av Tatt av vinden.

Likar du bøker som Stekte, grønne tomater og Bienes hemmelige liv, vil du falle pladask for denne. Ei skikkeleg føle godt-bok.

Anbefalast.