Maria Semple: Hvor ble du av, Bernadette, 341 sider. Oversett av Eivind LilleskjæretDenne helga har vore særs innhaldsrik! Mannen blei sendt av garde på guttetur til Amsterdam og eg har vore i Seattle og Antarktis. Vel, eigentleg var eg mest heime og gjorde det vanlege; bretta klede og tvinna tommeltottar, men det er likevel som om eg har vore der. Boka eg leste tok meg dit, så vi kan kanskje konkludere med at eg nesten var der. I alle fall litt.
Møt Bernadette Fox, ein tidlegare høgt akta og genierklært arkitekt med base i Los Angeles. Ei traumatisk hending får ho til å ta med familien og flytte til Seattle. Mannen hennar arbeider og dottera går på skule. Sjølv går Bernadette sjeldan ut av huset. Ho avskyr dei andre mødrene ved skulen og har ansett ein virtuell assistent frå India som tar seg av alle ærend over nettet. For 75 cent i timen (ca 2 kr) bestiller assistenten billettar, skriv e-postar og ringer til fagfolk. Alt Bernadette ber ho om å gjere. Dette går strålande og alle parter er fornøgde. Stort sett. Med unntak av mødrene ved dottera sin skule, som har sett seg lei av at Bernadette aldri møter på foreldremøte eller dugnad. Bernadette er så fråverande på alle måtar at ei av mødrene blir besett av ho, og gjer sitt ytterste for å avsløre ho som psykisk ustabil. Når Bernadette si dotter ønsker å inkassere ønsket sitt om å få det ho vil dersom ho får toppkarakter i alle fag, blir situasjonen verre: Ønsket hennar er nemleg ein familietur til Antarktis. For ei som nødig forlet huset blir det straks problematisk.
Hvor ble du av, Bernadette er ei artig og eksentrisk bok om vanskane med å passe inn i dei sosiale rammene. Historia er herleg underhaldande, til tider absurd, men likefullt varm og rørande. Romanen fortel historia vekselvis med mellom anna brev, intervju og e-postkorrespondansar, og hoppar litt fram og tilbake i tida før og etter Bernadette forsvinner. Ja, eg avslører vel ikkje noko stort sidan det ligg i sjølve tittelen. Dette gjer at vi, som dei andre i boka, må nøste opp i trådane og forsøke å finne ut av kvar Bernadette har blitt av. Den observante lesar vil kanskje kjenne att Semple som manusforfattar til ei rekkje suksessfulle tv-seriar som Ellen, Saturday Night Live, Arrested Development (verdas mest morosame tv-serie, nest etter Seinfeld. Minus sesong 4, den var skuffande) og Beverly Hills 90201. Og her kan det nevnast at likar du Arrested Development, så vil du elske denne boka. Er du ein av dei som ikkje forstår denne fantastiske serien, så er det truleg like greitt å la boka ligge.
Eg fatta interesse for denne boka med det same eg såg ho. Eg hugsar ikkje kvar eg leste om ho første gongen, men det var truleg hos ein av mine ivrige medbloggarar. Nokre bøker veit ein umiddelbart at ein vil like, og denne boka er ei av dei. Her kan du lese kva dei andre bloggarane meiner: Siljeblomst, Janicke, Beathe (smakebit foreløpig). Har eg da gløymt nokon?
God bok. Anbefalast. Om du ikkje gidd å lese ho, så får du vente til filmen kjem, di lesepyse.
.png)
9 kommentarer:
Denne har jeg virkelig lyst til å lese, og enda mer nå :-) En flott omtale!
Det er kult hvordan vi kan føle at vi drar jorden rundt med en bok. Jeg har hatt noen opplevelser der jeg nesten må se meg rundt for å se hvor jeg er etter en intens del av en bok :-)
Jeg har lagt boken tilside for en liten stund og begynte på en annen i stedet. Vurderer å kjøpe meg et eksemplar i håp om det det er litt større skrift i den (ikke at jeg ser dårlig for det gjør jeg IKKE) det var bare veldig liten skrift i den jeg fikk tilsendt. Det jeg har lest av boken virker lovende da..
Fin omtale :-)
Takk! Jeg er veldig svak for sånne absurde og komiske historier, så den passet ypperlig for meg, men jeg ser at den kan være litt spesiell. Det er en unik (og rimelig) mulighet til å reise verden i bøkene, helt klart. Så rart at det er så liten skrift, Beathe. Er det pocket? Jeg kjøpte min, så den er innbundet og med passe skrift:).
Absurd og komisk høres ut som noe jeg vil slite med, men omtalen er så bra at jeg tenker at jeg må sjekke ut hva dette er for noe. Ønsker deg en fin fin dag!
Så kjekt! Takk. Ja, jeg tør ikke å si om du vil like den eller ei, men den er i alle fall verdt et forsøk.ha en flott dag!
Endelig har jeg fått tak i et skikkelig eksemplar og er i gang med lesingen igjen. Det var visst noe feil med leseeksemplarene... og jeg liker boken så langt.
Det var bra! Denne fortjener å bli lest.
Dette er neste bok ut. Googlet litt anmeldelser og konkluderer lettet at du også likte den. Da er jeg i trygge hender! :)
Ellikken: Alt beror på om du elsker eller hater "Arrested Development". Nå er jeg spent ass.
Legg inn en kommentar