Gulldronning, perledronning

Margaret Skjelbred: Gulldronning, perledronning, 208 sider

Vaksne Signhild sit ved senga til morfaren, som ikkje har lenge att. Minnene tek ho attende til sommaren ho var sju år. Noko forferdeleg har hendt med Signhild, ho har forsvunne inn i "Berget det blå" og morfar skal lokke ho ut derifrå. Dette gjer han forsiktig ved å fortelje hennar historie i form av kjende eventyr og skikkelsar. Etter år med forsømming og omsorgssvikt, er morfar det einaste trygge i livet hennar. Han tar med den målbundne prinsessa enda lenger inn i Berget og saman tek dei opp kampen mot det vonde trollet.

- Fortell, morfar, fortell! Fortell! Fortell! - Vent nå, gulldronning, perledronning, hør nå litt på meg, sier morfar og setter sykkelveskene fra seg.

Også i denne boka tar Skjelbred i bruk bornet som forteljar, og den vaksne lesaren må sjølv tolke det usagte mellom orda. Det er skjørt og vakkert, men samtidig ei vond og intens forteljing. Historia handlar ikkje berre om Signhild, men gir oss eit gløtt inn i tre generasjonar med liding og svik. Morfar forsøker å bøte på tidlegare feil ved å vere fullstendig sjølvoppofrande for det vesle barnebarnet sitt. Det er ein smertefull prosess, men med kjærleik og tolmod går det den rette vegen.

Dette er ei av dei nydelegaste, men samtidig urovekkande og fælslege bøkene eg har lese. Hjartet mitt blør..

Det er ikke i minnelige tider og ikke i uminnelige tider heller. Det er her og nå. Og det er nå han ikke hører meg lenger.

Anbefalast sterkt.